KAIBIGANG BERDE
Ikaw ay nahihirapan
Naiipit sa gitna ng
Mga batong nag-uumpugan
Batong walang pakialam
Na tuloy sa pag-uyam
At hindi napapansin
Gitna pala'y nasusuklam
Sa berde kong kaibigan
Na wala nang makapitan
Gamitin ang iyong binti
Butas ay pwedeng takasan
Ngunit kung 'di maaari
At binti'y biglang umiksi
Makinig ka lang sa uwak
Ito lang ang masasabi:
Ikaw na patalon-talon
Na sinumpa ng panahon
Hindi mo naman sinasadya
Na magpahulog sa balon
Sa bawat katanungan
Na ika'y naguguluhan
Piliin lang ang s'yang tama
Na nararapat mong sundan
Hindi masamang tumanggi
Kung mapupunta sa mali
Hindi masamang makinig
Kung ika'y mapapabuti
No comments:
Post a Comment